Cefnogi ein partneriaid mewn ysgolion
Mae pwysigrwydd cefnogi ein cymunedau lleol wrth galon yr hyn yr ydym yn ei wneud. Rydym wedi sefydlu cronfa cymunedau cynaliadwy, y mae contractwyr sy’n gweithio gyda ni’n cyfrannu ati. Mae’r arian yma’n helpu i gefnogi ein prosiect ysgolion, FACE.
Ysgrifennwyd gan Fiona
—29 Hyd, 2020
![Staff Melin, Georgina ac Emily, yn un o’n hysgolion partner](/assets/articles/_content800/face-in-schools.png)
Mae pwysigrwydd cefnogi ein cymunedau lleol wrth galon yr hyn yr ydym yn ei wneud. Rydym wedi sefydlu cronfa cymunedau cynaliadwy, y mae contractwyr sy’n gweithio gyda ni’n cyfrannu ati. Mae’r arian yma’n helpu i gefnogi ein prosiect ysgolion, FACE.
Cefnogodd Solar Windows Limited brosiect llesiant athrawon yn ddiweddar pan aeth tîm FACE allan ac ymweld â saith o’n hysgolion partner: Ysgol Gynradd Llanyrafon, Ysgol Gymunedol Ffordd Blenheim ac Ysgol Gynradd Coed Efa, Ysgol Gyfun Abersychan, Ysgol Gynradd Gatholig Sant Mihangel, Ysgol Gynradd Treftadaeth Blaenafon, Ysgol Uwchradd Cwmbrân ac Ysgol Cil-y-Coed.
Derbyniodd pob ysgol becynnau llesiant yn cynnwys te, coffi a danteithion ac roedd yr athrawon i gyd yn ddiolchgar, ar ôl un o dymhorau anoddaf eu gyrfaoedd.
“Diolch yn fawr iawn i’r tîm yng Nghartrefi Melin Homes a Solar Windows. Roedd y staff i gyd yn gwerthfawrogi’r danteithion, te a choffi. Hael iawn! Mae hi wedi bod yn wyth wythnos arbennig o anodd ac rydym ni i gyd yn edrych ymlaen at ymlacio yn ystod hanner tymor – hyd yn oed oes byddwn ni dan glo!!” dywedodd Mandy o Ysgol Gynradd Llanyrafon wrthym ni.
Dywedodd Dean Read, Rheolwr Gwerthiant Masnachol gyda Solar Windows: “Fel cwmni lleol, rydym yn awyddus i gefnogi prosiectau lleol, ac mae cael cytundeb â Melin wedi’n helpu i wneud hyn. Mae gweld lluniau’r staff yn yr ysgolion, y un o’r blynyddoedd mwyaf anodd sydd wedi bod, yn fraint ac mae gwybod ein bod wedi helpu gyda hyn yn wobr ynddi’i hun i ni. Rydym yn edrych ymlaen at barhau â’n gwaith gyda Melin, a chefnogi rhagor o fentrau cymunedol.”
Dywedodd ein Prif Weithredwr, Paula Kennedy am y prosiect: “Mae ein staff yn parhau i gael effaith cadarnhaol yn ein cymunedau er gwaethaf yr anawsterau presennol. Mae ein prosiect ysgolion yn un rhan yn unig o’n cefnogaeth i gymunedau a thrigolion.”