Cymorth yn eich ardal leol

Ar draws cymunedau Melin mae yna elusennau, mudiadau a grwpiau sy’n cynnig cymorth a chefnogaeth i bobl sy’n wynebu caledi. Yma, rydyn ni wedi casglu manylion y mudiadau sydd ar waith yn ardaloedd ein hawdurdodau lleol a’r cymorth sydd ar gael ganddyn nhw.

Os ydych chi’n cynrychioli grŵp lleol neu elusen leol ac nid yw’ch manylion wedi eu rhestru, rhowch wybod i ni. E-bost news@melinhomes.co.uk Yna, gallwn ddiweddaru’r dudalen.

Torfaen

Banciau bwyd

• Y prif fanc bwyd Trussel Trust sy’n gwasanaethu’r fwrdeistref yw Banc Bwyd y Cwm Dwyreiniol sydd wedi’i leoli ym Mhontnewydd.
• Yn ogystal â hyn, mae yna lawer o grwpiau cymunedol eraill yn y fwrdeistref sy’n rhedeg banciau bwyd a phantrïoedd / oergelloedd cymunedol. Mae’r rhain yn cynnwys The Well a CoStar yng Nghwmbrân, Partneriaeth Garnsychan yng Ngarndiffaith, TRAC2 a Helping Hands R Us ym Mhont-y-pŵl a Fare Shareym Mlaenafon.

Trafnidiaeth gymunedol

• Cludiant Cymunedol Torfaen: 01633 874686
• Age Connects Torfaen: 01495 769264

Plant a phobl ifanc

• Mae yna nifer o Glybiau Chwarae Cymunedol sydd ar waith ar draws y fwrdeistref yn ystod y tymor ysgol.
• Mae’r clybiau ieuenctid yn y fwrdeistref yn cynnwys Hwb ym Mlaenafon a Chanolfan Pobl Ifanc Cwmbrân.

Pobl hŷn

• Mae Age Connects Torfaen yn rhedeg amrywiaeth helaeth o wasanaethau i bobl hŷn, gan gynnwys cyfeillio, cymorth dementia, dosbarthiadau coginio/crefftau a mwy.

Cymorth arall

Mae gan Zero Waste Torfaen ddewis helaeth o gynnyrch misglwyf eco-gyfeillgar ar gael i breswylwyr y mae eu hangen arnynt.

Sir Fynwy

Banciau bwyd

• Mae gan sawl un o drefi mwy Sir Fynwy fanciau bwyd sy’n gwasanaethu’r trefi a’r ardaloedd o’u hamgylch. Mae’r rhain yn cynnwys Y Fenni, Trefynwy a Chas-gwent.
• Yn ogystal â banciau bwyd, mae yna nifer o bantrïoedd / oergelloedd cymunedol yn y sir. Gallwch ddod o hyd i’r rhain ym Mhorthsgiwed, Trefynwy, Y Fenni a Chas-gwent.

Trafnidiaeth gymunedol

• Cynllun Ceir Cymunedol Bridges: 01600 228787
• Trafnidiaeth Gymunedol Grass Routes: 0800 085 8015

Plant a phobl ifanc

• Mae preswylwyr yn gallu cael sampl rhad ac am ddim o gewynnau golchadwy trwy gysylltu â’r cyngor trwy e-bost: wasteandstreetservices@monmouthshire.gov.uk. neu ffonio 01633 644644.
• Mae yna dri phrif clwb ieuenctid yn y sir, wedi’u lleoli yn Y Fenni, Trefynwy a Chas-gwent, a phob un yn agored i bobl ifanc yn y trefi hynny a’r pentrefi cyfagos. Ceir y manylion llawn ar MonLife.
• Mae gan Wasanaeth Ieuenctid MonLife lawer o wybodaeth am ddigwyddiadau a gweithgareddau i bobl ifanc ar ei dudalen Facebook hefyd.

Pobl hŷn

• Mae Gwasanaeth Cyswllt Lleol Sir Fynwy yn rhoi cymorth i bobl hŷn sydd wedi eu hynysu’n gymdeithasol yn y sir, ac yn cynnal digwyddiadau cymdeithasol/clybiau cinio yn rheolaidd mewn lleoliadau amrywiol.

Casnewydd

Banciau bwyd

• Mae prif fanc bwyd Trussel Trust yng Nghasnewydd yn gwasanaethu’r ddinas ac mae yna gangen hefyd ar gyfer Rhisga a maestrefi gorllewinol Casnewydd.
• Mae Ymddiriedolaeth Raven House a Feed Newport hefyd yn gweithredu banciau bwyd yng Nghasnewydd.
• Mae Pantri Bwyd Maendy yn agored i holl drigolion Casnewydd ac yn cael ei redeg o Lyfrgell Maendy. Mae’n rhedeg ar roddion sy’n cael eu rhoi iddo’n uniongyrchol gan archfarchnadoedd a Feed Newport.

Trafnidiaeth gymunedol

• Trafnidiaeth Gymunedol Grass Routes: 0800 085 8015

Plant a phobl ifanc

• Mae Llyfrgell Cewynnau gyntaf Cymru wedi agor yng Nghanolfan Ailddefnyddio Wastesavers ym Maendy. Mae’r Llyfrgell Cewynnau yn galluogi rhieni i roi tro ar gewynnau clwt sy’n gallu cael eu hailddefnyddio, am ddim am fis, ac mae aelodau llawn-amser o staff ar gael i helpu cefnogi rhieni.
• Mae Cyngor Casnewydd wedi datblygu cyfres o lyfrynnau gwybodaeth i bobl ifanc i helpu gyda sgiliau bywyd fel arian, siopa ac addysg.
• Mae gan Gyngor Casnewydd gyfeiriadur o’r holl glybiau ieuenctid sydd ar agor yn y ddinas.

Pobl hŷn

• Mae gan Gyngor Casnewydd gyfeiriadur o wasanaethau a gwybodaeth i bobl hŷn, gan gynnwys gwybodaeth am Fforwm 50+ y ddinas.

Cymorth arall

• Mae Canolfan Ailddefnyddio Wastesavers Casnewydd yn gwerthu hen ddodrefn a gliniaduron a llechi sydd wedi eu hailwampio am brisiau gostyngol.

Yn ogystal â’i banc bwyd, mae Ymddiriedolaeth Raven House yn casglu hen ddodrefn ac yn eu rhoi i’r rheiny y mae eu hangen arnynt.

Blaenau Gwent

Banciau bwyd

• Gwasanaethir ardal Blaenau Gwent gan Fanc Bwyd Blaenau Gwent sydd wedi’i leoli yng Nghendl, ond mae’n dosbarthu ar draws y sir.
• Mae yna raglen ‘FoodShare’ hefyd yng Nghanolfan Gymunedol Sirhywi ger Tredegar, mae Clwb Rotari Brynmawr yn rhedeg banc bwyd, mae Hope Store yng Nglynebwy yn rhedeg rhaglen rhannu bwyd ac mae gan Sefydliad Glynebwy siop fwyd gymunedol lle gallwch gael bag o nwyddau am £4.

Trafnidiaeth gymunedol

• Cynllun Ceir Blaenau Gwent: 07706 644275
• Transport to Health Tredegar: 07939 812395

Plant a phobl ifanc

• Mae Sefydliad Glowyr Llanhiledd yn cynnal rhaglen i bobl ifanc lle gallant ddysgu sgiliau coginio a sut i baratoi prydau iach.
• Mae gan Gyngor Blaenau Gwent gyfeiriadur o’r holl glybiau ieuenctid yn y sir.

Powys

Banciau bwyd

• Gwasanaethir rhan ddeheuol Powys, lle mae preswylwyr Melin yn byw, gan fanciau bwyd yn Aberhonddua Llandrindod.

Trafnidiaeth gymunedol

• Biwro Gwirfoddoli Crughywel: 01873 812177

Plant a phobl ifanc

• Mae preswylwyr yn gallu cael hyd at £100 tuag at gost prynu cewynnau y gellir eu hailddefnyddio.
• Gallwch ddod o hyd i’ch clwb ieuenctid lleol ar wefan Cyngor Powys.