Dathlu Wythnos Genedlaethol Prentisiaethau 2025

Mae prentisiaethau'n cynnig cyfle gwych i bobl ifanc gael profiad ymarferol tra'n ennill cyflog

a gweithio tuag at gymhwyster cydnabyddedig. Ym Melin rydym yn cyflogi prentisiaid mewn

amrywiaeth o grefftau, o waith plymio a gwaith saer i waith trydanol, gan sicrhau eu bod yn

derbyn y mentora, y gefnogaeth a'r mynediad gorau posibl i gyfleoedd ar ddechrau eu

gyrfaoedd.

Rhannodd Tyler Shorthouse, Prentis Trydanwr ail flwyddyn ym Melin, ei brofiad o ddysgu yn

y swydd:

"Yn ystod fy amser yn yr ysgol, roeddwn bob amser yn mwynhau ymarferoldeb pynciau o

gymharu ag ochr theori pethau. Fe wnes i fwynhau bod yn ymarferol gyda phrosiectau ac

roeddwn bob amser yn llawer mwy brwdfrydig."

I lawer o brentisiaid fel Tyler, mae dysgu trwy wneud yn llawer mwy diddorol a gafaelgar nag

addysg draddodiadol yn yr ystafell ddosbarth. Mae prentisiaethau'n caniatáu i ddysgwyr

ddefnyddio eu sgiliau datrys problemau, eu creadigrwydd, a magu hyder yn y gweithle mewn

ffordd nad yw llwybrau academaidd ffurfiol yn ei wneud.

Un o fanteision mwyaf prentisiaeth yw amrywiaeth. Nid oes dau ddiwrnod yr un fath, ac mae

prentisiaid yn cael gweithio mewn amgylcheddau gwahanol, gan fynd i'r afael â phroblemau

go iawn. Fel y dywedodd Tyler:

Mae amrywiaeth y profiadau yn helpu prentisiaid i feithrin gwytnwch a’r gallu i addasu,

nodweddion allweddol i'r rhai sy'n gweithio yn y sector tai. Gydag arweiniad a chefnogaeth

arbenigol gan ein crefftwyr profiadol, maen nhw’n datblygu gwybodaeth ragorol yn eu dewis

o grefft, sy’n caniatáu iddynt ffynnu yn y gweithle. I Tyler, y cyfle i ddysgu a mynd i'r afael â

heriau newydd yn gyson yw'r hyn sy'n gwneud ei brentisiaeth mor werthfawr:

"Fy hoff ran yw gweithio ar bethau newydd nad ydw i wedi'u gweld nac wedi ymwneud â nhw

eto. Gwahanol fathau o gebl, gosodiadau a lleoedd yw'r hyn sy'n cadw fy niddordeb yn y

swydd ac yn fy helpu i ddeall beth i'w ddisgwyl yn y dyfodol."

Tyler Shorthouse yn rhannu ei farn

Mae Cayden McCarthy, prentis trydanwr arall ym Melin hefyd yn tynnu sylw at sut mae

diwylliant gwaith cadarnhaol Melin yn ychwanegu gwerth at ei brentisiaeth, gan ddweud:

"Mae'n amgylchedd gwaith iach, da lle rwy’n gallu ehangu fy sgiliau a fy ngwybodaeth yn fy

rôl. Rwyf hefyd bob amser yn cael y gefnogaeth a'r cymorth os bydd ei angen arnaf."

At hynny, nid yw buddsoddi mewn prentisiaethau o fudd i'r prentisiaid eu hunain yn unig.

Mae hefyd yn cryfhau ein sector a'r economi leol yn ehangach. Drwy hyfforddi pobl ifanc

mewn crefftau hanfodol, rydym yn sicrhau bod gan gymunedau weithwyr proffesiynol

medrus a all gynnal a gwella ein stoc o dai ar gyfer cenedlaethau'r dyfodol. Fel y dywedodd

Cayden:

Mae Melin yn falch iawn o'r gwaith a'r dysgu y mae ein prentisiaid yn ei wneud a'r

gwahaniaeth y maen nhw’n ei wneud bob dydd i fywydau ein trigolion. Mae ein

prentisiaethau yn siapio gweithlu'r dyfodol ac yn sicrhau bod gan Gymru’r sgiliau a'r bobl i

ddiwallu'r angen cynyddol am dai o safon. Wrth i ni symud at uno â Chartrefi Dinas

Casnewydd a dod yn Hedyn, rydym yn edrych ymlaen at barhau i ddarparu cyfleoedd am

brentisiaethau a defnyddio’r cynnydd yn ein maint i gynnig mwy o amrywiaeth a nifer o

gyfleoedd i bobl ifanc yn ein cymunedau.

Yn ystod yr Wythnos Genedlaethol Prentisiaethau hon, hoffem ddiolch yn fawr i Tyler, Cayden a'n prentisiaid i gyd dros y blynyddoedd am eu cyfraniad anhygoel i helpu cymunedau Melin i ffynnu!