Rownd Derfynol y Wobr Genedlaethol
Mae Cwrt Tredegar wedi cyrrhaedd y rownd derfynol gwobr IHDA
Ysgrifennwyd gan Sam
—20 Medi, 2023
![Logo gwobr IHDA 2023](/assets/articles/_content800/IHDA-2023-Certificates-FINALISTS-23.jpg)
Mae cynllun gwarchod Tredegar Court wedi’i ddewis ar gyfer rownd derfynol Categori Tai Gwarchod Gorau, Gwobrau Datblygu Cenedlaethol Inside Housing.
Mae'r cyflwyniad yn tynnu sylw at sut mae'r datblygiad £7.5m, a adeiladwyd ar ein cyfer gan Countryside Partnerships, yn bodloni anghenion trigolion ac yn cyfrannu’n gadarnhaol at ein trigolion a'r gymuned leol.
Roedd y gwaith adeiladu yn cynnwys dymchwel 39 o fflatiau un ystafell hen ffasiwn, ac adeiladu 41 o fflatiau ag un ystafell wely a chwe fflat â dwy ystafell wely, yn eu lle.
Fe wnaeth y datblygiad newydd nid yn unig ddod â thrigolion y cynllun at ei gilydd, ond hefyd eu gwneud yn rhan fywiog o’r gymuned. Mae pobl yn mwynhau eu fflatiau eu hunain ac yn defnyddio'r lolfa gymunedol ar gyfer gweithgareddau cymdeithasol - Roedd parti coroni diweddar yn llwyddiant mawr.
Cafodd rhai o’r bobl a oedd wedi symud i mewn, eu symud i gartrefi eraill tra bod y gwaith dymchwel ac ailadeiladu yn mynd rhagddo, ac roedd rhai yn methu aros i ddychwelyd.
Rydyn ni'n teimlo fel rhan o gymuned eto ac mae'r dyluniad modern yn gwneud i'r fflat deimlo'n fwy. Ni allwn weld unrhyw beth o’i le yn ein cartref newydd.
Teimlad cymunedol
![Swyddog heddlu gyda un o'r trigolion](/assets/content/_content800/community-feel.jpg)
Mae gweld adeilad newydd bob amser yn helpu'r gymuned. Mae hyn wedi'i gynllunio a'i addurno'n chwaethus, mae'n amlwg ei fod yn diwallu anghenion y gymuned.
Buom yn gweithio gyda MK Designs i godi arwyddion sy'n cydymffurfio â safonau'r RNIB a gyda Stanbridge Interiors ar becyn dodrefnu sy'n edrych yn wych, ond mae hefyd yn ymarferol, yn gadarn, ac yn sefydlog i'n trigolion y mae gan rhai ohonynt broblemau symudedd. Ymgynghorwyd â'n trigolion drwy gydol y broses a hwy ddewisodd y lliwiau, sydd wedi cyfrannu at argraff gadarnhaol yr adeilad yn gyffredinol.
Mae arwyddion gwell a chynlluniau lliw gwahanol ar wahanol loriau gyda gwaith celf cyfatebol, yn helpu pobl i wybod y ffordd o amgylch os ydynt yn colli eu cof, ac mae’n rhoi ymdeimlad o le, gyda’r nod o helpu pobl i fyw’n annibynnol am gyfnod hirach.
Mae’n adeilad sydd â Thystysgrif Perfformiad Ynni (EPC) Gradd A, effeithlon. Cafodd ei adeiladu o ffrâm bren allan o ddefnyddiau lleol, gan wneuthurwr lleol ac mae’n cynnwys uwch system ddraenio gynaliadwy a fabwysiadwyd yn breifat ar y safle, a Phaneli Haul ar y prif do.
Wir i chi, rwy'n teimlo fy mod i mewn gwesty. Mae’n ardderchog. Rwyf wrth fy modd, wrth fy modd, wrth fy modd!