Diwrnod Iechyd Meddwl y Byd
Mae Hydref 10fed yn Ddiwrnod Iechyd Meddwl y Byd a thema eleni yw ‘Gwnewch iechyd a lles meddyliol i bawb yn flaenoriaeth fyd-eang’ Mae problemau iechyd meddwl yn bodoli yn ein bywydau, bywydau ein ffrindiau a’n teuluoedd, ein cymunedau a’n gweithleoedd, maen nhw’n effeithio arnom ni i gyd, ond gallwn ni i gyd chwarae rhan mewn atal afiechyd meddwl.
Ysgrifennwyd gan Sam
—10 Hyd, 2022
Mae Melin wedi ymuno ag ymgais Llywodraeth Cymru i roi diwedd ar y stigma o gylch problemau iechyd meddwl trwy ymuno â chynllun Amser i Newid Cymru.
Dyw llofnodi’r addewid ddim yn gam ysgafn i ni, mae hyn wedi ffurfio ein polisïau a’n prosesau ac wedi arwain at gynlluniau sydd wedi cael effaith gadarnhaol ar ein staff.
Yn y fideo yma fe welwch chi sut, ers llofnodi’r addewid yn 2014, rydym wedi cydnabod ein bod ni’n gallu cael effaith gadarnhaol ar ein staff, a’r gwasanaethau y maen nhw’n eu rhoi i’n trigolion, trwy ganolbwyntio ar iechyd meddwl fel rhywbeth sy’n rhan o’n DNA. Mae staff yn gwybod ei fod yn iawn peidio bod yn iawn ond, yn fwy na hynny, maen nhw’n teimlo’n ddiogel wrth ddweud hynny, ac maen nhw’n gwybod bod yna adnoddau ar gael iddyn nhw a allai helpu.
Gwyliwch y fideo
Am gymorth a chefnogaeth, mae gan wefan Amser i Newid Cymru nifer o adnoddau defnyddiol - Time To Change Wales: Adnoddau
Os ydych chi neu rywun yr ydych yn eu hadnabod angen cymorth gyda’u hiechyd meddwl, mae cefnogaeth ar gael. Dyma restr o asiantaethau a sefydliadau yn yr ardal a allai helpu;
- Mind Cefnogaeth iechyd meddwl rhad ac am ddim - Mind
- Cwrs ar-lein sy’n cynnig cefnogaeth ar gyfer pryder, iselder a llawer mwy yw SilverCloud, gyda’r cyfan yn seiliedig ar Therapi Ymddygiad Gwybyddol. Gall unrhyw un 16 oed a throsodd ymuno trwy SilverCloud. Gwneud Lle ar gyfer Meddyliau Iach (silvercloudhealth.com).
- Mae CALL yn cynnig linell gymorth gyfrinachol ar gyfer gwrando a chefnogaeth emosiynol ar gyfer iechyd meddwl sydd ar agor 24/7. Gall CALL hefyd gyfeirio at gefnogaeth mewn cymunedau lleol ac amrywiaeth o wybodaeth ar-lein. Ffoniwch 0800132737, danfonwch destun “help” at 81066, neu ewch i callhelpline.org.uk.
- Mae yna gefnogaeth hefyd ar gyfer anhwylderau bwyta, canllawiau hunangymorth ar gyfer ymdopi ag iselder a phryder a chyngor ar fod yn fwy gweithgar ar wefan GIG 111 Iechyd a Lles Meddyliol yma GIG 111 Cymru - Gwyddoniadur : Iechyd Meddwl a Lles (wales.nhs.uk)
- Mae cefnogaeth hanfodol ar gyfer iechyd meddwl i bobl 25 ac iau ar gael yn The Mix Speak To Our Team | Support For Mental Health & Other Issues | The Mix
- Melo Cymru Melo Cymru Gwent | Adnoddau i’ch cynorthwyo i reoli eich lles
- Am gymorth gyda meddyliau hunanladdol, ewch i https://www.thecalmzone.net/
- Mae gan y Sefydliad Iechyd Meddwl doreth o wybodaeth ar eu gwefan - Y Sefydliad Iechyd Meddwl | Mental Health Foundation in Wales.
