Ymfalchïo yn yr hyn rydyn ni'n ei wneud

Rydym yn sefydliad sy'n gwerthfawrogi amrywiaeth ac mae ein diwylliant yn un o gefnogaeth sy'n dathlu'r gymuned Lesbiaidd, Hoyw, Deurywiol a Thrawsrywiol (LHDT +). Y mis hwn byddwn yn canolbwyntio ar bopeth sy'n ymwneud â Stonewall, sy'n dathlu ei ben-blwydd yn 30 oed eleni. Mae Stonewall Cymru yn ymgyrchu dros gydraddoldeb pobl lesbiaidd, hoyw, deu a thraws. Ym mis Awst byddwn yn gweithio gyda Stonewall Cymru i bostio gwybodaeth ar ein sgriniau a'n cyfryngau cymdeithasol mewn ymgais i godi ymwybyddiaeth.

Fel rhan o ddathliadau pen-blwydd Stonewall UK yn 30 oed, maen nhw wedi dewis 30 o adegau allweddol yn y daith tuag at gydraddoldeb i bobl LHDT. Un o'r adegau hynny oedd y gusan gyntaf o'r un rhyw ar opera sebon yn y DU ym 1994. Allwch chi enwi'r opera sebon honno? Dewch o hyd iddi (os nad ydych chi'n gwybod eisoes) a gweld pa adegau eraill i gydraddoldeb sydd wedi'u dewis trwy ddarllen y rhestr gyfan ar wefan Stonewall.

I gael gwybod mwy ewch i wefan Stonewall.

Yn ôl i newyddion